Nokuro Tu Momoli Koh?

Soira do mimpanau tokou tomod id kakadaian, koinsoruan tokou do kopomoli do kakamot di awu tokou nopomusarahan mantad do bolion. Osonong tomod daa nung opomusarahan tokou po pogulu do momoli tu awu no daa kopomirubat do tusin.

Pogulu do momoli-moli do kakamot, maai no simako nung;

Nin.	Ponguhatan	Goritai (X) sisimbarnu	Goritai (X) sisimbarnu	Goritai (X) sisimbarnu
1	Kikakamot koh no miagal dilo?	( ) Ingaa	( ) Haro noh, nga maanku daa alanai.	( ) Haro noh, nga mumang oku do wagu.
2	Haro toi kakamot suai (iri noboli nu noh) do milo pongolon kogunoon diti?	( ) Ingaa	( ) Haro, nga osonong noh kopio iti.	( ) Haro
3	Milo ko do awu momoli diti kakamot?	( ) Awu	( ) O, nga osonong kopio iti.	( ) O
4	Soira timpu tosonong do momoli?	( ) Baino	( ) Soira-ira nopo.	( ) Apagon kopio gatang nung bolion do baino.
6	Kosukup tusinnu do momoli?	( ) Kosukup!	( ) Logot-logoton do mambayar.	( ) Kagasan poh tian nung momoli diti.
	Ginumu	5 gisom 6 sisimbar id sawat do nogoritan, Bolio noh!	2 gisom 6 sisimbar id sawat do nogoritan, Kada poh bolio.	Nung haro iso sisimbar nopilinu do id sawat diti, Kada poh pomoli!

Jaam Sompomogunan

Jam 8:30 tongotuong diti, minompisok do lampung iti walai pambasaan Kolej Matrikulasi Labuan do monokodung Earth Hour toi Jaam Sompomogunan.

Jaam sompomogunan nopo diti nga timpu mompisok solinaid do 60 minit toi sanjaam no toomod.

Boros Do Tumagak

Haro pipiro boros id Malaysia do tumagak nodi tu ingaa ot monunutur diti. Iti nopo nga;

1. Boros Mintil. Soginumu 40 tulun monunutur (1975, SIL) id Bawang Tamun, Pahang, Samananjung Malaysia
2. Boros Punan Batu 1. Soginumu 30 tulun monunutur (2000, S. Wurm)id Sarawak
3. Boros Sian. Soginumu 50 tulun monunutur (2000, S. Wurm) id Sarawak

Awu kou toi modosi do atagak iti boros Dusun do insan tadau miagal dilo 3 boros id Malaysia it maso nodi do tumagak? Kanou no misokodung momiara do boros doungkomolohingan tokou.

SEMAK KEPUTUSAN SPM 2010

Okuro-kuro no kabar dokoyu oi tangaanak sikul? Alansan oku do ososonong kou iy. Haro songulun manangamai (anak buah kad Malayu boh) it pinapaatod SMS do poingkuro momorisa kootuson SPM diolo. Ihumo ku no iti hiti id intonit om kokitoku no miagal id siriba diti.

Seperti yang ramai pelajar lepasan SPM 2010 sedia maklum, tarikh pengumuman keputusan SPM 2010 ialah pada hari ini, 23 Mac 2011.

Majlis Pengumuman Analisis Keputusan Sijil Pelajaran Malaysia (SPM) 2010 akan diadakan pada jam 9 pagi ini di Aras 6, Blok E8, Kementerian Pelajaran di Putrajaya.

Buat kali pertama juga, semakan melalui Khidmat Pesanan Ringkas (SMS) juga diperkenalkan bagi memudahkan pelajar SPM 2010 menyemak keputusan masing-masing.

Cara Menyemak Keputusan SPM 2010 Melalui SMS

Anda boleh menyemak keputusan peperiksaan SPM 2010 melalui SMS dengan menaip:-
SPM SEMAK [Nombor Kad Pengenalan] [Nombor Angka Giliran SPM]
dan hantar ke 15888.
Setiap semakan dicaj RM 0.35. Semakan bermula jam 10.00 pagi (23 Mac 2011) hingga 11.59 malam (30 Mac 2011) atau mungkin juga ditamatkan pada hari yang sama.

Pason: Tinomod do monurat id woyoboros Malayu mooi do milo no gunoon toinsanan tangaanak susumikul id Malaysia. Mangai no porisao kootuson SPM nu. Alansan oku do nakaanu ko do kootuson di tosonong, nga nung awu koinsasamod do ginawo, umbalan poh kawagu.

Soginumu 467,970 tulun minirikau do panahasan SPM di toun nakatalib (2010) id 3,594 kinoyonon panahasan pointongkop rompogun Malaysia.

Tangaanak sikul id Sikul Doun Porinta om Sikul Sokodungon Porinta nopo nga soginumu 410,083 tulun. Susumikul id MRSM, MTD om Sikul Minsingilo Susumangod kiginumu do 7,216 tulun. Susumikul do minaganu SPM id Sikul Piintangaan Agama Pogun soginumu do 8,127 tulun. Susumikul Sikul Komponi om Sikul Pintangaan Agama Doun Mamasok soginumu do 11,248 tulun om susumikul Minsonsondiri Minsosongulun kiginumu do 31,296 tulun.

Riporon:

http://eputra.com/semakan-keputusan-spm-2010-secara-sms/
http://ohcikgu.com/2011/03/23/semak-keputusan-spm-tahun-2010-melalui-sms-sekarang/
http://beliamuda.com/2011/03/semakan-keputusan-spm-2010-melalui-sms/

Manlampai Pomogunan Gipun

Sunami toi ko rahat malampai ponongGipun osikap do nokotonuh sompomogunan. Nokoilo tulun Sabah diti maya do kabar poinsilombou id tolibison (TB) om nogi maya intonit.

Sunami diti nowonsoi mantad no do gogor pomogunan id tisan rahat id Pukusima, Gipun. Gogor pogun dilo kilinogod do 8.9 ukuran ritso minogoit do sunami kikinawas do 6 mito.

Kolobi do 2,400 tulun nokorundun id kinaantakan rahat malampai om bohotusan ribu walai do nalampaian. Maso dilo, monunurat id Berita Harian, pinoposiar do katun di monginsasana tulun Gipun. Katun dilo popokito do iy Ultramin maso do moginangkus mantad alampaian. Sundung po dilo nga nokopokitabi no Berita Harian maya do damin intonit dau.

Nunu gia dii tosorou-sorou dilo mongongolukis dilo tu minongolukis miagal dilo. Sorohon po daa pogulu do popokito kumaa tulun ginumuan tu somonu do koirakan montok dotokou nga kopokoruol ginawo montok do tulun suai.

Poingkuro Sabah Nakaanu Ngaran

Kogumuan tulun do mogihum poingkuro iti Sabah do nakangaran. Susuyan nopo doun tulun tokou nga poingkaa;

Di pogulu nopo, kogumuan tiyonon awu po nopungaranan. Jadi kogumuan tulun momungaran do Siba, Sarayo, Sokid, Sawa, Gibang, Wanan om susuai poh tu tionon nopo diolo nga hilo id toning do baang, id nuluhon, id sawa om id sarayo. Pointantu no do kogumuan tulun poingiyon hilo id sawa (pompod koluyungon do baang) it minongoit do ngaran savah om kawalih no do sabah tu nakatanud ponunurat do urang putih.

Gisom no do baino nga maso do mangarait iti tulun Dusun do sawa toi panansawa montok di tulun poingiyon hilo id sawa do baang.

Ponongsawa nopo nga asaru do montongus om kopungaranai no do Sawa Siriba (siba) do Tongus, it gunoon gisom no do baino.

A: Nonggo tadonnu gaman?
B: Mantad oku sawa.

Pokinongou kou no do susuyan mololohing om koilo tokou no do poingkuro tiyonon do nangaranan tu iri nopo poinsurat nga sinuratan di tulun nokopogulu koilo monurat om kipongorotian tumanud do boros diolo. Kada kou kagagang nung opungaranan kinoiyononnu do ngaran di awu noilaan poingkuro nopungaranan miagal dilo Puput (tuni hon koritapi) it baino nopungaranan nodi do Beaufort.