Google Insight: Iloo No Nunu Ihumon Do Tulun Malaysia

Ogumu no sinuratan tokou id rumokorut (wib), bolog om susuai poh nga ingaa tulun do mambasa toi momoguno. Google Insight  nopo nga pongilaan tokou di koro-rohian do tulun mogihum maya injin pogigihum Google.

Tumanud do Google Insight, facebook om login facebook nopo nga korohian do ihumon do tongotulun mantad id Johor , Pahang , Wilayah Persekutuan Kuala Lumpur, Kedah , Selangor om Melaka.

Id siriba diti ruputan do boros it ihumon do tulun solinaid do 7 gisom do pipiro toun.

Johor (tohuri 7 tadau)

1. facebook
2. youtube
3. login facebook
4. download
5. yahoo
6. games
7. google
8. fb
9. you
10. yahoo mail

Kedah (tohuri 7 tadau)

1. facebook
2. uum
3. uum portal
4. learning zone
5. facebook login

Kelantan (12 tulan)

1. facebook
2. yahoo

Melaka (30 tadau)

1. facebook
2. youtube
3. google
4. yahoo
5. mediafire
6. facebook login
7. yahoo mail
8. um
9. you
10. uthm

Negeri Sembilan (Toun 2004 gisom baino)

1. malaysia
2. yahoo
3. utusan
4. mp3
5. berita
6. map
7. google
8. lyrics
9. friendster
10. utusan Malaysia

Pahang (tohuri 7 tadau)

1. facebook
2. youtube
3. login facebook
4. download
5. yahoo
6. google
7. fb
8. games
9. you
10. yahoo mail

Perak (90 tadau)

1. facebook
2. yahoo
3. google
4. youtube
5. facebook login
6. star

Perlis (toun 2004 gisom baino)

1. malaysia
2. yahoo
3. perlis
4. mp3

Pulau Pinang (tohuri 12 tulan)

1. facebook
2. yahoo
3. google
4. login facebook
5. metro
6. youtube
7. yahoo mail
8. kosmo
9. utusan

Sabah (tohuri 12 tulan)

1. facebook
2. ums
3. login facebook
4. youtube
5. download
6. yahoo
7. berita harian
8. google
9. yahoo mail
10. airasia

Sarawak (tohuri 12 tulan)

1. facebook
2. download
3. youtube
4. yahoo
5. facebook login
6. google
7. mail
8. games
9. you
10. airasia

Selangor

1. facebook
2. malaysia
3. youtube
4. facebook login
5. yahoo
6. google
7. you
8. video
9. games
10. yahoo mail

Terengganu (90 tadau)

1. facebook
2. youtube
3. terengganu
4. login facebook
5. metro
6. yahoo
7. google
8. unisza
9. kosmo
10. portal pelajar

Wilayah Persekutuan Kuala Lumpur (tohuri 7 tadau)

1. facebook
2. malaysia
3. youtube
4. yahoo
5. download
6. facebook login
7. google
8. games
9. you
10. yahoo mail

Wilayah persekutuan Labuan (toun 2008 gisom baino)

1. yahoo
2. facebook
3. berita harian
4. utusan
5. friendster
6. kml
7. google
8. matrikulasi labuan
9. kolej matrikulasi labuan
10. utusan Malaysia

MALAYSIA (tohuri 7 tadau)

1. facebook
2. malaysia
3. youtube
4. yahoo
5. download
6. login facebook
7. google
8. games
9. you
10. mail yahoo

Maso do ihumon maya do Google nopo nga;

1. kemas (+150%)
2. upu.mohe.gov.my (+130%)
3. mohe (+120%)
4. upu (+100%)
5. politeknik (+80%)
6. semakan upu (+70%)
7. maybank2u login (+60%)
8. upsi (+60%)
9. google maps (+50%)
10. ohbulan (+50%)

Sumuang Id Unibositi

Noukaban noh natad wib do mangaplai sumuang id unibositi om politiknik! Kanou mogisosolod do sumuang.

(LAMAN WEB RASMI PERMOHONAN KEMASUKAN KE IPTA,TEVT & ILKA)

http://upu.mohe.gov.my/

Montok di nakapaas do matrikulasi, noukaban no kosuangon mantad 20/05/2011 - 26/05/2011.

Kopisanangan sumang id unibositi.

Kinosonongon Do Tolipaun Kikibiton

Otumbayaan oku do oinsanan tulun kitolipaun nodi do baino. Omura toi amahal toi kijanama (kingaran-ngaran) toi ko awu otutunan, okon iy ko kopongowit do kobolingkahangan, tu guno nopo do tolipaun nga tumanud do tokou sondiri.

Haro tulun di orohian do mamagambar, mokinongou sinding toi mamain do pomoinan id tolipaun - haro ngai iti id hinpon tumanud do gatang tolipaun.

Suai tadau, pogulu do momoli tolipaun, kada do oudutan di papadagang di popojual hinpon di apagon gatang. Noilaan tokou do hinpon mantad do Sina nopo nga apatut do omura tu nomitanan nopo diolo ilo - komoyon do okon ko orijinol.

Ralan do mongilo do pogun nonggo minomonsoi do tolipaun kikibiton (Hinpon)

Noumbalanku no iti id Hinpon Sony Ericsson om milo nogi id hinpon GSM do suai.

1. Ralan koiso : tonsoko *#06#
2. Koimbulai nondo numbur siri soginumu 15 numbur.
3. Pomitanan : IMEI 35212401-375482-7-03.
4. Nung di numbur ko-7 om ko-8 02 toi 20: Hp dilo winonsoi id Asia miampai do osiriba kosonongon.
5. Nung di numbur ko-7 om ko-8 08 toi 80: Hp dilo winonsoi id Joromon miampai do akawas kinosonongon.
6. Nung di numbur ko-7 om ko-8 01 toi 10: Hp dilo winonsoi id Pinlond miampai do akawas kopio kinosonongon.
7. Nung di numbur ko-7 om ko-8 00: Hp dilo winonsoi id Paransis miampai do poingkawas kopio kinosonongon.
8. Nung di numbur ko-7 om ko-8 13: Hp dilo winonsoi id Ajirbaijan miampai do osiriba kopio kinosonongon om kopogoit do koligaganan kolidasan.
   

Pinogonuan:
1. http://www.celapakit.net/showthread.php?tid=8171
2. http://paihujey.com/blog/cara-cara-nak-tau-handphone-original/

1Dusun id Pisbuuk

Tinimungan 1Dusun milo nodi do rikoton id Pisbuuk/Buukturos (Facebook). Alansan oku do gunoon iti do popoingkakat do boros, koubasanan om tinungkusan do tulun Dusun. Okito iti ponongid wanan do bolikon diti. Tonsoko 'Like' (orohian) mooi do katanud ko do kopoilaan poinwagu mantad do tinimungan 1Dusun. Kopiwosian mimpisbuuk.

Mogumba

Mogumba nopo nga adat tulun Dusun ontok mogihum do poring Tumanud do koubasanan diti, timpu do managad do poring it gunoon do momonsoi walai nopo nga ontok tulan rondom.

Ontok tulan tontolu (ourod), tongosusumuni koponosop do binabang (sosopbabang) id timpu totuong tu haro gia binabang do tulan. Sosopbabang kopomonsoi do 'takanon' do guas om roun; it kolomok do guas do poring. Ilo no do poring di tagadon ontok tulan tontolu obinsakatan do bubuk om tanai. Iti no iso tinungkusan toilaan do tulun Dusun do momonsoi walai mantad do poring do nung atanud nga atalang solinaid do 50 toun.

Naanu om pinadalin mantad: http://rymza.blogdrive.com/archive/428.html

Pinogonuan gambar: My Rainforest Adventures

Komoiboros:

1. sosopbabang > fotosintesis
2. atalang > atahan / bertahan
3. otolong > atahan id saralom do waig
4. otogui > tulun di anaru umur

Kulij Dusun Osonong Do Turidongon

KONINGAU: Huguan Parti Bersatu Rakyat Sabah (PBRS) Tan Sri Joseph Kurup minoboros ponuridangan Kulij Kadazan Dusun om Murut toi ko Kulij KDM id Sabah kosudong om mositi sokodungon sawi-awi mogiigiyon pogun (mamasok).

Minoboros isio diti saasabap no do kulij dino okon nopo gunoon montok popoburu mogiigiyon tinaru dino miampai tinaru suwai id siribo konsip 1Malaysia nga nogi koowit liab papantod pilumaagan, tu aiso tinaru iy kopuriman koingisan miampai ponuridangan dino.

“Iti nopo nga iso toilaan toi ko poguludan di tawasi. Yahai id PBRS monokodung atag ponuridangan Kulij KDM id Sabah i pointantu no do koowit mogiigizon Kadazan Dusun om Murut kumaa boogian di lobi kinawas,” ka disio kuminaa Bernama id doiti, di konihab.

Kurup iy nogi Kumoduo Montiri Sandad Potinagas om Sandad Posorili minoboros dino ontok minonugut atag Koisaan Kotundunan om Balajaran Kadazandusun Murut Sabah (Pekadin) Tadau Minggu nakatalib, mooi Kulij KDM turidongon id Sabah.

Tumanud Pekadin, ponuridangan kulij dino kaanu monulung papatahak tonggungan mogiigiyon Kadazan Dusun om Murut loolobi no kopio id suang balajaran kopitanud miampai liab pogun iy mokianu adadi iso pogun koburu korikatan 2020.

Pogulu diti Koisaan Pasok Momogun Kadazandusun Murut Bersatu (Upko) nga nokopolombus laid sokodung kumaa atag dino, om pointounda monulung id suang pongkimamaan mongintong atag dino.

Huguan dino Tan Sri Bernard Dompok minoboros koponuridangan Kulij KDM nopo nga iso kogunaan kumaa sawi-awi loolobi no kopio mogiigiyon tinaru dino id suang pongkimamaan popoinsawat boos om toilaan koubasanan Kadazan Dusun om Murut.

Pinadalin mantad kabar New Straits Times: 19/05/2011 (http://www.newsabahtimes.com.my/nstweb/fullstory/48835)

Tadau Kaamatan

Tulan kolimo monikid toun nopo nointutunan sobaagi do tulaan kaamatan id Sabah. Nonuan do porinta Malaysia do tadau tagayo toi tadau koundarangan ontok 30 om 31 tulan kolimo montok no do mangaramai do Tadau Kaamatan pogun Malaysia.

Tadau Kaamatan nopo nga tadau kapangahan do mongomot toi lowohon nogi do tadau kokotuan. Soira tokou do kopongoh do mongomot, ounsikou tokou tu noonuan do barakat om takanon mantad minamangun toi Kinorohingan (Kinoingan).

Ogumu ababayan do papanahon montok do monuang do karamaian kaamatan. Pialaan mangagung, sugandoi, mogunatip, sumayau, sundait om manangon asaru do posuangon id karamaian kaamatan. Limunduk do karamaian nopo nga pialaan unduk ngadau it popokito do unduk ngadau nokolimbou mantad watas-watas id Malaysia.

Kotobian Tadau Tagayo do Kaamatan!

Gambar: Pairin (id tanga) miampai di Lojiun (gibang) popotimpuun pongupisoran Karamaian Kaamatan Boogian Monsorulung.
Nonuan gambar: Koisaan Koubasanan Kadazandusun (http://kdca.org.my)