Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Thursday, July 19, 2012

Lisi di Natagak





Nung sokiro daa kaanu oku do popoguli timpu di nakatalib,
di maso do kakal kito po miupus,
posonongonku nondo ti rongodku om nogi i koulun-ulunoku..
potulidonku nondo i kinasalaanku ngaai,
moi daa aiso paantakannu do tumongkiad doho..

Nga baino inggino ko nodi id koposionku,
Sorokitononku iya do monikid tadau,
siruba oku daa diya,
nga kuroyon podi tu a' ko nodi mimbulai id toguwangku...

Mihad-ihad o ginawoku,
do kohondom sontob di nawayaan toh di laid.
A' ku nogi kolihu iti pinintongkiadan toh,
Sosolonku piya nga aiso ih guno.

Baino nopo diti,
pogirotonku nopo ginawoku do sumondiu doid Kinorohingan,
Polonutonku nopo i ginawoku mulong piya oinggorit id saralom..
Aiso nodi sosondihonku suai ko' Iyau noo...
Om ahakon oku nondo Dau do mindalan id koposion di noponu do koihadan ..

No comments:

Post a Comment