Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Monday, August 6, 2012

KOIMBAYATAN

Koihadan do ginawo ku aiso o kotingkadan,
tu toririmo nopo nawagatan do koimbayatan,
au insan-insan koidu mantad rinuol do ginawo,
do monotos piya do sumimbayan..

Soira ma atanus o koimbayatan??
Koimbayatan i nasandad mantad di posorilian ku,
om nogi mantad koluhoion do ginawo,
di sipomonsoi nopo do dusa...

Au koboros, om aiso'ddi nokoilo,
songkuro ginayo o koinggoritan ku,
gama do tumotos do minsodu,
mantad dit i kababayat nopo doho...

Nung sokiro daa oruhai o koposion ku,
om momok-somok doid kapatayon,
osonong matuu daa,
tu tagal noddi do momusorou,
doulu po monoguang nunu nopo,
di kabayayat om kakaus nopo do koduduwo.

Okon ko' oniba o pomusarahan ku,
do mimboros tirad diri,
Nga' daamot do poimpasi id pomogunan dit araat,
Osusa ma do masi' ,
dot aiso sokodung,
mantad dit id SAWAT....

(6/8/2012, 10.18 AM, MASO DO PRAKTIKAL ID SIKUL TOSIRIBA PEKAN

KIULU)

2 comments:

  1. Ogumu koimbayatan id koposion tokou nga iti nopo ngawi nga kopongoruhang do kagarasan nung a'alaian tokou. A'alaian tokou koimbayatan nung toririmo o Kinoingan mongoruhang dati. Poindoros Kinoingan nung awu tokou kolihu Disio.

    ReplyDelete