Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Saturday, May 18, 2013

Bontuk toniiba montok "do", "indo", om "iddi", "mangan", "numangan",

KANOU MINSINGILO DO MONURAT ID BOROS DO DUSUN

(do) nopo nga obuli do posuraton do ('d)


1. Siakan oku do bosou.
2. Siakan oku'd bosou.

3. Awanadan kou no do Kinorohingan
4. Awanadan kou no'd Kinorohingan (tumanud di monuunurat, haro i poposurat do "nod" om haro nogi i poposurat do "no'd"

5. Momolihung oku do lanjang.
6. Momolihung oku'd lanjang.


(indo) nopo nga obuli do posuraton do ('ndo/ndo) om pooputon id pompod dot iso-iso'd botok (hujung perkataan)

7. Mulau ko indo!
8. Mulau ko'ndo( haro nogi i poposurat do kondo/kondoh, tumanud di monuunurat)

9. Aiso noddi indo.
10. Aiso noddi'ndo/ Aiso noddindo/ Aiso nodindo (tumanud di monuunurat)

11. Aiso moti indo tusin ku.
12. Aiso motindo tusin ku.

13. Apatai no indo i tasu dot a'/au posumadon.
14. Apatai nondo i tasu dot a'/au posumadon.


(iddi) nopo nga obuli do posuraton do ('ddi/dii) tumanud di monuunurat.

15.Otogod ko iddi?
16. Otogod ko'ddi?/ Otogod ko dii?

17. Aiso no iddi tusin ku.
18. Aiso noddi/nodii tusin ku.

19. Mulau no kopio tulun iddi.

20. Mulau no kopio tulun dii.

21. Iyo iddi tihumon ku.

22. Iyo'ddi tihumon ku.

(mangan) nopo nga obuli do posuraton do (maan)
(minangan, past tense montok "mangan")  nopo nga posuraton do (minaan)

23. Gompio no somputangan ku diti, mangan do tanda mata.
24. Gompio no somputangan ku diti, maan do tanda mata.
25. Naayi'/Naawi noddi/nodi/nodii tusin ku, minangan do pambayar do CCM do tvku.
26. Naayi'/Naawi noddi/nodi/nodii tusin ku, minaan do pambayar do CCM do tvku

(numangan) nopo nga obuli do posuraton do (numaan)
(nimangan, past tense montok "numangan")  nopo nga obuli do posuraton do (nimaan)

 27. Numangan patayo i tungau.
28. Numaan patayo i tungau.
29. Nimangan rumbako o sulap di Kiris.
30. Nimaan rumbako o sulap di Kiris

Siou iti nopo nga okon ko' tumanud kopio do "piawai kadazandusun". Iti nopo katarangan nga montok dit i sipinsingilo poingkukuro do monurat id boros do Dusun kopio.
Koinsanai nopo pongingija/poninipil nga' tumanud di pongingija di dong Baibol do Dusun. (Buuk do Kinorohingan). Nga' okon ko' kipaantakan do monuduk pasal do tugama o poos ku diti kio. Nung haro o ponulidan ko' sogu do popoinsonong diti poos om, mangai po posurato o kumin toi ko' tuwa do pomusarahan nu pasal diri kio. Pounsikou!


No comments:

Post a Comment