Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Wednesday, June 19, 2013

NATAYAAN

Ginawo ku nogonitan,
Ginawo ku noiman-iman,
Ginawo ku nosindualan,
Gama no do kinowoowoyoon ku,
Gama no do kinoubasanan ku,
Om mantad diri,
A' noddi osonong o kinotutuko,
Komoyon do kokiikitanai,
mantad id soliwan do ginawo.

Doho'd koluhoyon,
Doho'd kinosilapan,
Tu' a' minintotos,
Do poposonong,
do ngai-ngai',
id soliwan do ginawo ku,
om olumis i' daa'ndo,
o kokiikitanai.

Boros ka do tulun,
okon ko' winantang,
ot intangan do minamangun.
Nga nokuro maddi tu,
atayaan om osolon o ginawo ku,
do kosirot nopo,
winantang om linumis dombokon.

Poingkukuro ma do monginsasamod,
Do kaus id ginawo,
i kasasaari nopo do poinsaralom,
mantad di pogulu gisom piya do baino,
Nga' osonong nogi matuu,
do papalanut do ginawo,
om mokiuhup do minamangun,
do popoidu kaus do ginawo,
i toririmo nopo do popotongob doho.

Mulong tu' kasambalat dot atayaan,
soira okito ku o dombokon do kinawantango',
Om mulong tu oruol o topurimanan,
do papatanus kaus do ginawo,
Nga umbalan ku nopo,
do mongunsikou,
tu kakal po do poimpasi,
om kakal po do kipinuhobo,
om minsingilo do mamaramit,
do nunu nopo i nakaharo mantad.


No comments:

Post a Comment