Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Tuesday, July 9, 2013

Koulun-uluno VS Mogkodos

Iti no do timpu do popolombus suang do pomusarahan..


Iti nopo koponuratan nga' okon ko' pinotomod kumaa dot iso noo o kotumbayaan. Iti nopo nga kokomoi do koubasanan do mogkodos(mogkodis) ko' a' makan ko' minum solinaid do piro-piro jaam do sangadau.

Haro i mogkodis tu' mongidu kaka do kinosilapan gama' no do kowoowoyon dau di kibohiton.

Nga nokuro maddi tu' haro it orohian tomod do moninduol do ginawo do tulun do suwai, it orohian do popimporos do boros di kotinsuk do ginawo do tulun do suwai do monikid kosuabon ko' kosodopon piya, toi ko' monompuraat om mongindaraat do tulun do suwai? Om haro nogi i momusorou dot koino-ino nondo iyolo do papatanus do dusa diyolo dot id mongkodos o kopotonusan. Ondos daa diyolo om olihuan indo o tulun do nunu nopo o sala diyolo.

Soroho pogi, Kinorohingan nopo nga otulid, om lobi po pointulid ko' mantad isai nopo. Om atantu no dot a' indo romiton do Kinorohingan o wowonsoyon diyolo do mogkodos do monikid timpu nung a' iyolo kasari insan-insan nokopomusorou do momusus do korohian ko' kowoowoyo' diyolo dit a' osonong.

Honggo o kaka o kotutukon do tumorodok kaka do mogkodos, nga' asaru i' do paparaat dombokon??

P/S Iti nopo poos nga okon ko' kipaantakan do paparaat ko' popoinsiriba do kotumbayaan disai-isa. Nung haro o kumin dokoyu, mangai no polombuso kio. Pibabasan!

No comments:

Post a Comment