Bolog Iso Dusun Sompomogunan
Pason Kointutunan / Kabar Nopili
TUTUMANUD
Monday, April 18, 2011
Songkoodopon
Nunu pisuaian sangkaadapan om songkoodopon?
Intaai pisuaian maya do gambar diti.
Songkoodopon ngai ilo tingau (minguab po kaka).
Sangkaadapan diolo. Haro id mija, id tolipaun om nogi id timpak do kompiuto.
Friday, April 15, 2011
Inta-taan do Oudutan
Haro iti surat-intonit (surat-i) do naramitku. Monuhu kaka do monginwagu do ahal akaun. Alansan oku do ingaa oudutan diti. Soroho no do bing Maybank nopo nga awu papatod pomisunudan miagal dilo maya do surat-i.
Kada dokoyu kotiko noputan do rumokorut di pinatahak tu koligogon do akaun nung osuangannu do ngaran momoguno om kaatalib.
Komoiboros:
Dusun - Malayu
- Surat-i > E-mel
- rumokorut > web
- noputan > hyperlink
- ngaran momoguno > nama pengguna
- kaatalib > katalaluan / password
Thursday, April 14, 2011
Pialaan Om Wawa
Nung haro pialaan, tantu do haro nogi wawa.
Iri kolonggiso kaanu do wawa tagayo gatang.
Iri kolonduo kaanu do tokoro-koro gatang mantad di kolonggiso om iri londu-londu onuan do wawa di poingkkoro-koro mantad di kolonduo. Iri kadipangkat, kotoimo, kadibonong, kotonduru, karu-karu, kosuriang, katapadai kaanu do wawa mogiagal nung onuan no do wawa.
(Gambar bukakak pialaan magapon naanu mantad; http://www.freecoloringsheets.net
Komoiboros:
Dusun > Malayu
Iri kolonggiso kaanu do wawa tagayo gatang.
Iri kolonduo kaanu do tokoro-koro gatang mantad di kolonggiso om iri londu-londu onuan do wawa di poingkkoro-koro mantad di kolonduo. Iri kadipangkat, kotoimo, kadibonong, kotonduru, karu-karu, kosuriang, katapadai kaanu do wawa mogiagal nung onuan no do wawa.
(Gambar bukakak pialaan magapon naanu mantad; http://www.freecoloringsheets.net
Komoiboros:
Dusun > Malayu
- kolonggiso > johan / hadiah pertama
- kolonduo > naib johan / hadiah kedua
- londu-londu > tempat ketiga / hadiah keempat
- kadipangkat > saguhati pertama / hadiah keempat
- kotoimo > saguhati kedua / hadiah kelima
- kadibonong > saguhati ketiga / hadiah keenam
- kotonduru >saguhati keempat / hadiah ketujuh
- karu-karu > saguhati kelima / hadiah kelapan
- kosuriang > saguhati keenam / hadiah kesembilan
- katapadai > saguhati ketujuh / hadiah kesepuluh
Wednesday, April 13, 2011
Omura Makan Id Lobuan
Insan tadau, pimpanau yahai hilo id Api-api (KK). Soira louson, ongoi noh yahai akan hilo id kadai pangakanan. Maso mambayar kotigog oku no tu apagon kopio gatang. Birioku noh it risit om koilaaiku noh do haro gia pointamba baraian do soginumu 16 piatus toi 16 ringgit monikid do hatus ringgit it akanon tokou.
Montok di nakan do kigatang RM25.60, ginumu do baraian poinruhang nopo nga RM4.10 - koboli noh daa sonsuki tih sina.
Hiti nopo id Lobuan nga omura-mura kaka gatang taakanon tu ingaa ilo 16%. Intaai jodual id siriba it naanu mantad risit otopot mantad kadai pangakanan. Goduo-duo do risit dilo nopo nga kabagal do 2 tulun makan.
Ilo nopo id kadai pangakanan id KK nga iso tinumon om tolu taakanon kaampai do iso kinobungan (sup) wantan. Iso noh tinumon numaan pokionuo tu nabangat noh kaka do minum maso mimpanau.
Ilo nopo id kadai pangakanan id Lobuan nga 2 tinumon om 2 takanon.
Montok di nakan do kigatang RM25.60, ginumu do baraian poinruhang nopo nga RM4.10 - koboli noh daa sonsuki tih sina.
Hiti nopo id Lobuan nga omura-mura kaka gatang taakanon tu ingaa ilo 16%. Intaai jodual id siriba it naanu mantad risit otopot mantad kadai pangakanan. Goduo-duo do risit dilo nopo nga kabagal do 2 tulun makan.
Kakadaian | Kuta Kinabalu | Lobuan |
Tadau | 02/02/2011 | 26/01/2011 |
Ngaran Kadai | Canton House | Blue Whale Cofee House |
Kinoyonon | 1Borneo | Jati Shophouse |
Numbur Tolipaun | 088-488832 | 087-422919 |
Gatang Sonsuki Tih Sina / Chinese Tea) | 3.00 | 2.90 |
Carrot Juice With Milk | 7.00 | |
Takano mirolot tonsi wogok / Char Saw Rice | 7.00 | |
Takano mirolot tonsi wogok linugu / Roast Pork Rice | 7.80 | |
Kinobungan wantan / Wantan Soup | 7.80 | |
Takano mirolot manuk / Chicken Rice | 7.90 | |
Ginuring mi / Bee Hoon Goreng | 7.50 | |
6% Rinta / 6 % Gov. Tax | 1.54 | Ingaa |
10% Ponogit Mangaraja / 10% Service charge | 2.56 | Ingaa |
Ginumu / Total | 29.70 | 25.30 |
Ilo nopo id kadai pangakanan id KK nga iso tinumon om tolu taakanon kaampai do iso kinobungan (sup) wantan. Iso noh tinumon numaan pokionuo tu nabangat noh kaka do minum maso mimpanau.
Ilo nopo id kadai pangakanan id Lobuan nga 2 tinumon om 2 takanon.
Tuesday, April 12, 2011
Dusun Toi Ko Kadazan
Kogumuan tulun do baino oborulong do pongoroitan Kadazan toi Dusun. Pongoroitan Kadazan nopo nga kawawagu nowonsoi ontok pomorintaan di Tun Fuad Stephen, songulun tinurunan Dusun om Inggilis. Tumanud disio, Dusun nopo nga mogowit do korotion di koborulong tu id boros Malayu kirati do kabun toi ko pomutanaman. Otopot bo gia ilo nung woyoboros Malayu no boroson tokou do monikid tadau.
Nga baino, isai nopo it kikobun (Dusun kad Malayu) oroitan tomod do rangkaya. Otopot ilo nung gunoon tokou no kokobunan dilo do momutanom-tanom, nga nung pologoson, torukakang nopo sumuni. Kokito tokou dilo tulun bansa Timur (Om) mantad Indonesia it rumikot doid Sabah om morobuat. Iyolo no mongowit do butia mantad id pogun tokou gumuli id pogun diolo. Poingyon yolo doid sulap-sulap tokoro nung id Sabah nga tikid tulan popokirim yolo do tusin kumaa do tompinai diolo id Indonesia. Soira do muli yolo id Indonesia, kiwalai no yolo to tangagayo mantad no do konu-onuan di pinorobuatan diolo id Sabah. Mosikin toi kopio nung kikobun kou no?
Roroiton 'Dusun' di pogulu kikomoiyon nogi do tinimungan di ogirot piompinaian. Haro nogi minanahak do pomusarahan do kororoitai Dusun naanu mantad kororoitan 'dudun' it kikomoion mitoning do modop. Mantad dilo komoyon do Dusun nopo nga tulun di miompinai toi ogirot kopio piompinaian.
Nung roitan ko do Dusun Bundu-Liwan, kikomoion iri do ogirot piompinaian nu id paganakan di Bundu-Liwan. Mantad dilo ubasanan tokou daa do mangarait Dusun id pogulu do ngaran piompinaian tokou tu kikomoion ilo do 'tinimungan di ogirot piompinaian'.
Miagal doho tu nopungaranan pia do bansa Kadazan, tu tumanud no do surat kinosusuon, posunudonku kasari do Dusun oku tu otumbayaan oku do boros Dusun no ot boros piompinaian toi boros di kaanu do popisompuru do tulun Dusun.
Mantad baino, kada tokou koborulong mangarait do bansa Dusun toi bansa Kadazan tu nung bansa Kadazan tokou, milo tokou nogi do mimboros Dusun, Malayu, Inggilis, Sina toi nunu nopo. Olumaag no it nosusu sobaagi do bansa Dusun it koilo do mimboros Dusun! Tamangai tokou no boros tokou.
Nga baino, isai nopo it kikobun (Dusun kad Malayu) oroitan tomod do rangkaya. Otopot ilo nung gunoon tokou no kokobunan dilo do momutanom-tanom, nga nung pologoson, torukakang nopo sumuni. Kokito tokou dilo tulun bansa Timur (Om) mantad Indonesia it rumikot doid Sabah om morobuat. Iyolo no mongowit do butia mantad id pogun tokou gumuli id pogun diolo. Poingyon yolo doid sulap-sulap tokoro nung id Sabah nga tikid tulan popokirim yolo do tusin kumaa do tompinai diolo id Indonesia. Soira do muli yolo id Indonesia, kiwalai no yolo to tangagayo mantad no do konu-onuan di pinorobuatan diolo id Sabah. Mosikin toi kopio nung kikobun kou no?
Roroiton 'Dusun' di pogulu kikomoiyon nogi do tinimungan di ogirot piompinaian. Haro nogi minanahak do pomusarahan do kororoitai Dusun naanu mantad kororoitan 'dudun' it kikomoion mitoning do modop. Mantad dilo komoyon do Dusun nopo nga tulun di miompinai toi ogirot kopio piompinaian.
Nung roitan ko do Dusun Bundu-Liwan, kikomoion iri do ogirot piompinaian nu id paganakan di Bundu-Liwan. Mantad dilo ubasanan tokou daa do mangarait Dusun id pogulu do ngaran piompinaian tokou tu kikomoion ilo do 'tinimungan di ogirot piompinaian'.
Miagal doho tu nopungaranan pia do bansa Kadazan, tu tumanud no do surat kinosusuon, posunudonku kasari do Dusun oku tu otumbayaan oku do boros Dusun no ot boros piompinaian toi boros di kaanu do popisompuru do tulun Dusun.
Mantad baino, kada tokou koborulong mangarait do bansa Dusun toi bansa Kadazan tu nung bansa Kadazan tokou, milo tokou nogi do mimboros Dusun, Malayu, Inggilis, Sina toi nunu nopo. Olumaag no it nosusu sobaagi do bansa Dusun it koilo do mimboros Dusun! Tamangai tokou no boros tokou.
Yoku tulun Kadazan koilo mimboros Dusun!
Tatanda:
Kadazan-Dusun,
koubasanan,
Sabah,
tinungkusan
Friday, April 1, 2011
Sing Lung Pai Do
Sundait (Malayu: Teka teki) nopo nga koubasanan pogiala-alaan maso do mongomot toi nunu nopo pitabangan miagal do mangasok, mongihang, mongogomos, monoud, maagasak om susuai poh. Pogialaan sundait toi misimbar-simbar sundait diti kapangaramai do karaja om kopongoling nogi do hinuyan morobuat toi kumaraja.
Umbalai gai do monimbar iti sundait.
Iti no do baino. Oputan kawagu suai timpu.
Umbalai gai do monimbar iti sundait.
- Sing Lung Pai Do
- Monguni koting-koting, monikid toun-toun
- Tohun tumulud
- Oniba watang-watang, milo momurunai
- Oniba watang-watang, noompus do linopot
- Sangadau managad, awu orongou lopok
- Songol-songolon guas, opilapasan tuntu
- Lopoton nu hiti, akanon id soborong rahat, kakal do alasu
- Otomou di okoro, opurak di nosukod
- Iso-iso torigi, hatus panding kumogos
- Turali Di Yongongon, hatus ot monuridong
Iti no do baino. Oputan kawagu suai timpu.
Subscribe to:
Posts (Atom)