Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Tuesday, December 22, 2015

SISINDIRON MONTOK KDM

Solokou monuka, kopisanangan om tabi pisompuruan kuma tompinai ngawi. Siwat-siwato poh da dikoyou mambasa iti sisindoronku.

SISINDIRON MONTOK KDM

Oi tambalutku do KDM
Koilo kou poh nangku do mindahu?
Koilo kou poh nangku migit do tulu dangol?
Koilo kou poh nangku do rumilik?
Koilo kou poh nangku do mongurak?
Koilo kou poh nangku do mangasok?
Koilo kou poh nangku do momuhau?
Koilo kou poh nangku do mongomot?
Koilo kou poh nangku do misisikot?
Minsundawil?
Kotutun kou poh nangku dilo bonut?
Iloh koting-koting?
Ih pungaranan do linggaman toi koh langgaman?

Oi ambalut
Koilo kou poh nangku do mongintorus?
Kotutun kou poh nangku dilo kasip toi koh rungkasip?
Sungul?
Walatik?
Kotutun kou poh nangku dilo tabpai?
Gado om gaba?

Siakan kou poh nangku dilo tinanok do kasou?
Tinanok do bongolon?
Toi tinanok om linugu do monduk?
Siakan kou poh nangku do pinangkaran?
Bosou om nonsom?
Kosilup kou poh nangku do linsou dilo tutan?
Sansam?
Lomiding om Kurunsong?

Au monguro oi ambalut
tu andang noh do nokoburu iti pomogunan

Nga urolos poh do toruhai oi ambalut
posik noh mantad nipi nu
hangog noh mantad todop nu
kowilio iloh tanak iih mumbal nogi do monungkamang
tataho iloh tanak iih mumbal nogi do mudong
ahako iloh tanak iih mumbal nogi do lumaang
simbongolo iloh tanak iih mumbal nogi do mimbaralang
simbongol om lilingo da doung KDM
pointutuno
posusuyo diolo iti koubasanan
barasai iyolo do boros Kadazan, Dusun om Murut
boros di poinsandad do Kinorohingan
maya di gulu-gulu, taki-aki om todu-odu tokou
tu atagak nopo boros, atalup
atalup oh tinaru
boros kointutunan do tinaru.

-MdDr-

(Dinalin mantad tinimungan Whatsapp My Kuyungon)

Saturday, February 14, 2015

Kinoimpuunon Do Tadau Valentine

Di totuong tadau Madsa (Kotolu), nokoipi oku do sinuhu oku do songulun tulun kitalad opurak do papadalin kopoilaan do Tadau di Valentine mantad sinuratan boros English kumaa sinuratan boros Kadazandusun. Kopongo boroson om tulud no ih tulun opurak talad dino do minogidu mantad doros ku.
Di kosuabai, soira minuli oku id Sabah mantad do LCCT, id suang do kapal tulud dino kabasa ku id buuk iti kopoilaan montok Tadau di Valentine. Posurato ku kopoilaan dino id iso karatas om owito ku minuli.

Tadau di Valentine nopo nga iso susuyan montok do songulun o Paado id Rum di laid ih ngaran dau nopo nga Valentine. Timpu dilo, ih Boyoon Claudius II, kipomusarahan do monuridong do iso tinimungan soujor ih angagaras om oduhan disio do manansawo o tanganakwagu mantad no do otumbayaan isio do tanganakwagu nopo nga poingalib osonong do sumiliu soujor. Tumanud do susuyan dino, au ih Valentine kaakun do pomusarahan miagal dilo tu kiharo o ponompopingan om panansawo no isio do olosok. Soira noilaan di Boyoon iri (do minanansawo ih Valentine), patayo no dau ih Valentine.

Tadau di Valentine idgulu kopio do minaan ondomo do tulun Kristian sabaagi tadau poginakanan montok mamagatang di Paado Valentine, ih tohuri sininliu do Tuluntobitua.

Timpu baino, Tadau di Valentine tobion om tondigon do tulun id pototongkop pomogunan diti au intangan nunu o kotumbayaan. Tadau dino do mogitutumali ngawi o tulun do pason, kad, om wawa kumaa ngawi do koupusan (koginawaan).

Tadau di Valentine ondomon om tondigon do tadau koopod om apat wulan Mansak (February) id pototongkop pomogunan.

Sinuratan di;
Tatak Barambang (http://lipupudsu-tatakbarambang.blogspot.com)