Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Monday, February 28, 2011

OLIMPUPUSAN TINUNGKUSAN TULUN DUSUN

TOMBUNAN: Olimpupusan koubasanan om tinungkusan do tulun Dusun nung ingaa karaja do manamong om moningolig dilo, kaampai no do ingaa sinuratan tososonong.

Momuruan Koisaan Koubasanan Kadazandusun Sabah (KDCA) iri ponogi Timbang Luguan Montiri, Datuk Seri Panglima Joseph Pairin Kitingan minoboros do, Ingaa sinuratan tosonong papaganggarau do osomok no tumagak iti tinungkusan tungkusan sininlumisan om koubasanan tulun Dusun tu tolonon do timpu om tumagak toomod tu ingaa tiiso ot momiara diti butia.

Ka di Pairin do minoborosboros id loyuk doun Dusun-Tombunan "Karaja moningolig tinungkusan Dusun diti okon ko poigitan nopo kumaa do Porinta maya Upis Tatangkob toi Kotinanan Koubasanan.

Sanganu bansa om tinungkusan diti no it poinggayo tonggungan do mogintayang om isai-isai nopo it kitoilaan om kikoilaan kokomoi koubasanan om sininlumisan Kadazandusun alapon monimpuun laang do poposurat sinuratan it suroton , kinongohon toi intangan do waris timpu abantalan.

Minoboros isio dilo di ontok mongoupisor karamaian Kaamatan watas kokompungan Karanaan, Tombunan hilo id Balairaya Kampung Karanaan, kosuabon diri. Monunurat Pulitik Komontirian Koingkokoton Kaganapan, Welfredoline Jakil, Timbang Momuruan KDCA, Datuk Dr Jeffrey Kitingan, Momuruan Komogoton Rayat, Laiwon Dalus, Monunulung Upisor Koupisoran Watas , Salahudin Tahir om Timbang Momuruan Mongkukuasa Kinoburuon om Kotingoligan Kampung Karanaan, David Suman Kassin.

Karamaian kaamatan diti no ot tionon om kosiwatan do mongulud om papanau koimaan it poposuni sunduan guminawo tungkus om koubasanan. Ka dau, koimaan di pinaharo okon nopo ko maan do pongolisih nga pogumuon nogi ot koimaan koubansanan om kosininlumisan kopohompit no do sukod wagu tu yolo no tumungkus ngawi diti.

Pogialaan miagal do magagong, manangon, sumansayau koubasanan om susuai poh maan inggumuai tu haro no sukod wagu do baino di awu koilo popouni tuunion koubasanan, kaampai nogi do awu monongkoilo tuturan dounkomolohingan.

Nopupusan.

Pinosodia di:
Francis Au
Monunurat Kabar Montok
Timbang Montiri Buruanon / Montiri Koingkokoton Kakamot Kaganapan Sabah

Pinawalihboros mantad woyoboros Malayu 'Khazanah Warisan Kadazandusun Semakin Pupus'

Saturday, February 26, 2011

Tongkouni

Loyuk tongkouni do mamasok Sabah nopo nga haro piolitan togirot doid kopoposion monikid tadau om koubasanan notungkusan mogisusuai tinaru doid Sabah.

Otutunan ot mogisusuai kawo miagal do tongkouni montok kinosusuon, pisasawaan, karamaian pisangadan, sinding momurinait, om susuwai po. Miagal iso poomitanan, Bobolian Dusun mogondi momuirinait do momolohou rusod ngawi soira Kinaantakan miagal do malampai toi magadau.

Tongkouni om sayau nga kipiolitan togirot. Sayau karamaian miagal Limbai Bajau om Sumayau ih doun Tangara Pinampang haro ot loyuk tongkouni pisasawaan di mimpopori. Lolobi poh wagu tu kogumuan tinaru id Sabah, loyou, sayau, om tongkouni pomohiis awu aanu do posuaion. Iti no sombogian koposion monikid tadau do tinrau ngaawi.

Sombogian kakamot tongkouni tinungkusan tinaru Dusun opibaagi do apat kawo. Iri nopo nga;

* Kombiton: miagal do bungkau, sundatang, tongkungon om susuai poh.

* Tuntungon: miagal do tagung, kulintangon, gandang om susuai poh.

* Sougion: miagal do sompoton, soruling, bungkau

* Korintingon: giring-giring om susuai poh


Komoiboros:

tongkouni = tuni di oulud om kouni mantad kakamot tuunion miagal do tagung, sundatang, kulintangon, tongkungon om susuai poh

malampai = moluyud di adalaan gisom do alagob tionon

mimpopori = minsosondiri

korintingon = kungguon


Gambar tagung kulaintangon om gandang naanu mantad bolog http://thegreenmechanics.blogspot.com

Friday, February 25, 2011

Ka Ponisip om pongoput

Iti nopo nga ka pongo-ngoput, ponisip om pangansip montok ka pangaraja.

monsu = mandi
kinaponsuan = sebab sudah mandi (mantad patod boros wansai, kina .. an = kinawansaian)
kinoponsuon = tempat dimandikan (mantad patod boros iyon, kino .. on = kinoyonon)
koponsu = boleh mandi (mantad patod boros milo, ko.. = komilo)
kopoponsu = baru selesai mandi (mantad patod boros gulu, kopogulu)
kopoponsuan = baru mandi dan tidak mau mandi lagi (mantad patod boros kopogulu + mada (adaan)) =
koponsuan = sebab ingin mandi (mantad patod boros koongoi + orikatan)
minponsu = sedang mandi manda (mantad boros maso id notoguangan = min ..)
mokiponsu = minta tolong mandi (mantad boros mokianu
nokoponsu = sudah mandi (mantad boros nokoongoi )
noponsu = telah dimandikan (mantad boros notoliban (mantad patod boros nowonsoi no)
pinponsu = mandi manda (mantad patod boros pingulian)
pinponsuon = tempat mandi manda (mantad patod boros pinggulian tiyonon)
pinponsuan = memandikan berulang-ulang (mantad patod boros pinggulian + pinsugutan)
pinonsu = dimandikan (mantad patod boros pinoongoi)
pinonsuon = tempat mandi mantad patod boros pinoongoi + tiyonon)
pinonsuan = sudah dimandikan
ponsu = pergi mandi
ponsuon = tolong mandikan
pomonsu = cecair yang digunakan untuk memandikan
poponsuon = tempat mandi kebiasaan (bilik mandi)
siponsu = ingin mandi
songkoponsuon = mandi di mana saja
songkopoponsuon = mandi sebarangan
sonponsu = sekali mandi
tipomonsu = ingin memandikan
tiponsu = alat yang akan digunakan untuk mandi
tipoponsu = peralatan mandian
poponsu = alat yang biasa digunakan untuk mandi (sabun)


duom = makan
kinoduoman = sebab sudah makan
kinoduomon = tempat dimakan
koduom = boleh makan
koduoman = sebab ingin makan
koduduom = baru selesai makan
koduduoman = baru makan dan tidak mau makan lagi
minduom = sedang makan dengan banyak
mokiduom = minta tolong suap
nokoduom = sudah makan
noduom = telah dimakan
noduoman = telah termakan, termakan (tidak sengaja)
pinduom = makan banyak
pinduomon = tempat makan
piduoman = makan berulang-ulang
pinoduom = diberi makan / disuap
pinoduoman = sudah diberi makan
pomoduom = jemput makan
dumuom = mari makan
duomon = dimakan
duduomon = makanan kebiasaan
duduoman = tempat makan kebiasaan (ruang makan)
siduom = ingin makan
sonduom = sekali makan
songkoduomon = makan macam-macam
songkoduoman = makan di mana saja
tipoduom = ingin memakankan (ingin memberi makan)
tiduom = alat yang akan digunakan untuk makan
tiduduom = peralatan makan
duduom = alat yang biasa digunakan untuk makan (sudu)

Logat Dusun

Tulun Dusun nopo nga pomungaran do tulun mamasok it poinggumu id Sabah. Sopitolu (1/3) ot tulun mamasok Dusun mantad oinsanan mongingion id Sabah. Dusun nopo diti nga momoguno do mogisusuai logat om koubasanan. Kolobi do 40 logat do Dusun.

Kinoruhangan Dusun poingiyon id Pinampang, Papar, Tuaran, Kiulu, Tomporuli, Tonghilan, Kuta Bolud om nogi id guas nuluhon ponong Ranau, Tombunan, om Koningau. Yolo nopo ti nga noubas mororobuat miagal do mananom parai ranahon om nogi tumoon. Kiharo diolo do magagasu om mongi-nginsada. Kiharo nogi diolo it minomiwalai hilo id pisuk do talun.

Haro nogi kawo koompinaian do Dusun it roitan do Kimaragang id watas Kuta Morudu, Lotud id watas Tuaran, Tulun Sungoi id watas Kinabatangan, Sugut, Poitan om Pitas. Kogumuan tulun Kadazan-Dusun kiugama do Kiristian. Tulun Sungoi it poingion id watas Pitas nopo nga kiugama do Silam, om haro nogi it kiugama do Kiristian miagal do hilo id Kinabatangan. Tulun Lotud (Suang Lotud) mongingion id Tuaran, Tomporuli, Tolipuk om Kuta Bolud (Tampasuk). Tuminimung yolo do minion id walai tanaru it korumpos do pipiro paganakan gisom do 200 tulun. Nga baino nopo nodi, okuri nodi kokitanan diti walai tanaru tu nakatanud nodi yolo diti koubasanan mimpopori momiwalai.

Huguan Siou Tun Fuad Stephens, pinopobuyu do gunoon ot ngaran Kadazan do popiiso di 14 kawo Dusun it miagal ot koubasanan om kaadat-adaton mongoi do lobi kinongohon do porinta ot pokionuon diolo. Tinumboyo iti do momuruan ginumuan tulun Dusun nga awu minomuhara do kinogumuan tulun mamasok it tamangan diolo. Iri no do nowonsoi Kadazan-Dusun sobagi do popiiso kopio diti tulun Kadazan (Tangara) om Dusun. Anaru kopio ngaran Kadazan-Dusun diri om maai no ponibao do tulun Kadazan-Dusun minooi do bansa Kadus.

Kiharo sinuratan pinobuyu do tulun Kadazan-Dusun nopo kaka nga mantad hilo id Toiwan tu haro nogi tulun Bunun it kaagal-agal ot koubasanan.[1]

Komoiboros:

Logat = koloyuk-loyukon do boros
Kadus = Ngaran bansa piisaan Kadazan om oinsanan sinakagon Dusun.

Riporon;
1. http://www.sabah.edu.my/skm015.wcdd/pengenalan.htm

Saturday, February 19, 2011

Abisi Komoiboros

Abisi (toi index ka do Inggilis) komoiboros nopo nga pimato ponguludan do komoiboros doun Dusun.

Nung kiboros do awu kosuang id abisi woyoboros Dusun iri nga okon ii ko boros doun Dusun om milo iri do podusunon maya do karalano pointantu. Iti no abisi woyoboros Dusun;

(Kotiko id abisi do mongintong di pomitanan)


a b d g h i j k l m n o p r s t u w y
a aa ab ad ag ah ai aj ak al am an ao ap ar as at au aw ay
b ba



bi




bo



bu

d da



di




do



du

g ga



gi




go



gu

h ha



hi




ho



hu

i ia ib id ig ih ii ij ik il im in io ip ir is it iu iw iy
j ja



ji




jo



ju

k ka



ki




ko



ku

l la



li




lo



lu

m ma



mi




mo



mu

n na

ng

ni




no



nu

o
ob od og oh oi oj ok ol om on oo op or os ot ou ow oy
p pa



pi




po



pu

r ra



ri




ro



ru

s sa



si




so



su

t ta



ti




to



tu

u ua ub ud ug uh ui uj uk ul um un uo up ur us ut uu uw uy
w wa



wi




wo



wu

y ya



yi




yo



yu

Thursday, February 10, 2011

Wikipodia doun Dusun

Alapon ot oinsanan tulun Dusun do monurat id Wikipodia doun Dusun.
Okito kokomoi do purujik dilo do hiti id;

http://meta.wikimedia.org/wiki/Language_committee/Status/wp/dtp
om hiti id http://incubator.wikimedia.org/wiki/Wp/dtp

Kanou no misokodung do momogompi do boros tokou.

Kotoluadan.