MALAYSIA... Hiti Noh Kinosusun Iso Inupus

Inupus

Inupus montok pogun

Baino om sogigisom

Amu kopitongkiad

Inupus monulinggou

Susuyan kotungagan

Sunduan miagal do susumaap

Atuk hoi kikolumaagan

Yati

Kitopurimanan di aralom

Kumaa tionon diti

Toririmo tokou miangkawot id limunduk

(Korus)

Hiti noh kinosusuon iso inupus

Inupus di porokiton

Popisompuru dati toinsanan

Hiti noh kinosusuon iso inupus

Potuntugo poimponu

Toluod om sokodung dati

Oinsanan ii pongumbalan

Tilombuson dati do lumapus

Kada do haro minlalawong

Tumilombus do sumaap

Hiti noh kinosusuon iso inupus

Inupus di porokiton

Popisompuru dati toinsanan

Hiti noh kinosusuon iso inupus

Potuntugo poimponu

Toluod om kowo-woyoo dati

Kanou noh monoluod

Gisom sogigisom

Pinadalin mantad sinding 'Tema Hari Kemerdekaan Ke-57: Di Sini Lahirnya Sebuah Cinta'

Jambatan Tamparuli

Kosorou kou poh di sinding Jambatan Tamparuli? Awu nopo kosorou nga haro iti pinadalinku do id woyoboros Dusun kawawagu om rinoitan do 'Sunsuyon Tamparuli'.


Pak pak kangkundo
Sumunsui do sunsuyon
Sunsuyon do Tamparuli
Kikasut gontod tawakas

Sumunsui do sunsuyon
Sunsuyon do Tamparuli
Pak pak kangkundo
Kikasut gontod takawas

Norubat no di kasut ku
Naratu hilo sunsuyon
Sutakin po di noolu
Noowit ku ginumuli

Ontok di tadau madsa
Tomu id Tamparuli
Mingusuk po hilo kadai
Mokikasut gontod takawas


Mantad do sinding dilo, simbaro iti ponguhatan.

1. Id nonggo konoyonon do Sunsuyon Tamparuli?

A. Tombunan
B. Tamparuli
C. Kota Kinabalu
D. Sarawak
E. Tinom


2. Id nonggo kinorotuon do kasutku?

A. Hilo sahau sunsuyon Tamparuli
B. Hilo tomu Tamparuli
C. Hilo id walai di Yanak-anak
D. Hilo kadai pangakanan id Pakan Nabalu
E. Hilo id tomu Kuta Bulud

3. Nokuro tu miningusuk oku hilo id kadai?

A. Momoli do saging
B. Gusaon do pulis
C. Papadagang do layoh om paranggi
D. Momoli do sutakin
E. Momoli do kasut gontod takawas


4. Ontok tadau kopiro haro tomu id Tamparuli?

A. Magus
B. Madsa
C. Mansak
D. Kurudu
E. Tadau-tadau


5. Suangai do boros pomogonop i kopiagal komoyon do 'naratu'.
____________ iri kasut gantad takawas disio.


A. Nokodungur
B. Nobubus
C. Nolimpak
D. Natatak
E. Nasaug

Isai orohian do monimbar, mangai nopo simbaro tu kopongoruhang nogi diti do toilaan tokou.

365 Tadau Kasarahan Kimin Mudin

Nogonop nodi sontoun kinotiagakan di Kimin Mudin, monsisinding sinding di nokotonuh pinungaranan do 'Sayang kinabalu' iri po nogi sinding upisol do ponombuluyan id Sabah. Ontok di 02/06/2010, minidu pogun iy Kimin Mudin id Walai Pongusapan Likas tu noontok do toruol tundu-undu.

Tumanud di Asmin Mudin (40 toun), Kimin mantad id Kampung Kolatuan, Papar pinoporuput do opusakan isio ontok di timpu dau do monsu id walai dau hilo id Kampung Rampaian Monggatal kira-kira do jaam ko-10 totuong. Pinaatod di sawo dau minooi id Walai Pongusapan Likas nga kahadai nogi soira do nokorikot.

Ontok do linobong id Kalabangan Tulun Silam Ralan Kapayan, iy Abu Bakar Ella om pipiro tangatambalut susuminding nga nokorikot nogi do manahak kapantangan tohuri.

Montok do kasarahan, iti no sinding 'Tupus Kinabalu' id loyuk do Dusun sinuratan om sininding di Jeply Miroh.

Poingkawas Nulu Nabalu,
Akawas po tupus ku kumaa dia,
pointomou tuntu Nulu Nabalu,
Okito mantad sodu langadon ginawo ku,

Kinabalu poindoros do kundasang,
kinotuan ogumu pili-pilion,
nunu guno mooi soborong rahat,
Tumakad nogi Nabalu langadon ginawo ku,

Sumandak-sumandak ogumu poingandad,
Santari-tari kili sumayau,
Soira okito linumis tinan dau.
Mupus guminawoku,

Gayo rubat ku Nulu Kinabalu,
Kaamatan ramaion tulan kolimo,
Koupusan pitanud mooi tomu,
Hilo id Tomporuli langadon ginawo ku.

Nunu poinsuang do bolog diti?

Mogisusuai po posuangonku do id bolog diti. Nunu nopo iri kagayat do ginawo tulun ginumuan do mambasa miagal po toi do;

• Susuyan
• Tangon
• Sundait
• Sisindiron
• Sinding
• Sudawil
• Tudodoi
• Tukadan
• Kabar-kabar
• Kopoilaan
• Bukakak
• Bahul 
• Om susuai po

Alansan oku do maya do bolog diti, kapanahak dah do tua pomusarahan kumaa di mambabasa ngawi.