Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

BOROLOS

'Borolos' nopo nga boros noolos mantad do boros songkosuaian miagal do Inggilis, Malayu, Sina om susuai poh. Haro borolos di pinosuang miampai do ponunurat om kororotion mantad om haro nogi i pinodusun miampai do kopiagalan komoyon. Haro nogi i noolos miampai do ponunurat mantad toi pongundadait doun Dusun nga pinosuai noh oh komoyon.

1) Borolos 100% noolos

Gambar (Malayu) - Gambar (Dusun) - Komoyon: nomitanan do upa momoguno do pinsil toi ponunurat
Nota (Malayu / Inggilis) - Nota (Dusun) - Pason kopoilaan do toniba


2) Borolos Pinodusun

Soldier (Inggilis) - Soujor / sajoh (Dusun) - Komoyon: susumangod tindal om manamong do koumoligan pogun.
Army (Inggilis) - Amih (Dusun) - Komoyon: susumangod
Navy (Inggilis) - Nawih (Dusun) - Komoyon: susumangod rahat
Force (Inggilis) - Poros (Dusun) - Komoyon: susumangod mulud-tulud
Forest (Inggilis) - Poris (Dusun) - Komoyon: mananamong do talun
Police (Inggilis) - Pulis (Dusun) - Komoyon: manamong koumoligan pointongkop kinoyonon
Taukeh (Sina) - touki (Dusun) - Komoyon: sanganu do kadai


3) Borolos Poinsuai Komoyon (Noinwoguan komoyon)

Perintah (Malayu: arahan) - porinta (Dusun: momuruan do pogun / Melayu: kerajaan)
Colgate (Jenama ubat gigi) - koligit (Dusun: ponusi om pongimumug do nipon)
* Awu noilaan isai minongolos.



BOROLOS KAWAWGU

Boros Noolos  >> Pinodusun
Komputer = kompiuto
Traffic light = talapik
polis trafik = tarapik

Nota: Ruhangan iti nung haro boros kawawagu do pinodusun.