Talib noh songulun kusai. Paganu isio do tongotusin om potumposo no id tupi. Onuo noh kawagu disio iy tanda om ponurat-nurat noh ponongsambalik Poiliho no dau iri mooi do okito di tumatalib iy sinuratan kawawagu.
Kapamanau po isio, tongoulun di tumalib sontoluod-toluod poh do tusin montok di nobolou. Sosodopon diri, sogulio kawagu di kusai iy minongolon do tanda do mongintong ondum poingkuro noh. Nointutunan di nobolou iy pamamanau dii kusai om uhot noh do "Iya toi minongolon dilo tandaku di kosuab? Nunu di pinosurat nuh?"
Ka di kusai, "Posuratoku nopo iy totopot. Pinoborosku iy binorosnu nga id woyo do suai. Nokosuratku do 'Kinolumisai diti tadau baino nga awu oku dii gia kokito."
Goduduo tanda sopikomoyon do nobolou iy tanakwagu. Nga iri tanda koiso minonilombus komoyon do bolou iy tanakwagu. Tanda koduo minomisunud do tongoulun kokomoi do awasi nasip diolo tu awu nobolou. Kagagang koh do atandai nogi iy tanda koduo?
Kopousuian do susui, unsikoho dia, sompingkoilo no, songkowonsoi noh. Pomusorou tososonong do poinsuai.
Nung koruba ko do 100 (hatus) koihadan id pomomogunnu, pokito kumaa do pomogunan do haro poh 1000 (hasa) kounsikahannu. Kada sosolo iy notoliban.
Ponoguang doid katatapon. Sumoguang aiso korosian. Toboyon totoboyon tongkiadai pododosi.
Kolumisan nopo nga kokito tulun kongingis. Nga iy poingkolumisan, ika no iy pinopongingis.
Pinadalin mantad "Hari-hari Yang Indah"
No comments:
Post a Comment