Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Monday, May 13, 2013

Elvira Nokorunduk Ngadau Id Labuan

Elvira mantad id Ranau om maso poh do minsingilo id Universiti Malaysia Sabah Kampus Antarabangsa Labuan (UMS-KAL) nokolonggiso id pialaan runduk ngadau id Dewan Blessed Scrament, Labuan di tadau minggu (12 Mei 2013). Nakaramit ii Elvira Yan Ukon (23 toun) do sasawan, tusin om kakamot ponginlumis.

Istelita James, 21, om Eshiryinter Peter, 20, nopo nga sompopori nokolondu-londu om nogi kolonduo. Istelita nga nopili nogi sobaagi do Unduk Ngadau di Osuau id watas Labuan. Tukad kadipangkat (tiyonon kaapat) nopo nga nalantoi di susumikul  id Kolej Matrikulasi Labuan (KML), Flowina Shira Sipail, 19, om id kotolimo nopo nga ii Mayzlyne Ley Matius, 21 toun ii mantad nogi id UMSKAL.

Piaalaan pinapanau do KDCA (Tinimungan Koubasanan Kadazan Dusun) Labuan diti nopo nga tinanud do 17 sumandak.
Unduk Ngadau Kaaamatan 2013 Labuan, Elviral (poinrikau) miampai dii (mantad gibang) Flowina, Istelita, Eshiryinter om Mayzlyne (ponong wanan).

Gambar unduk ngadau mantad id:
http://sidangrakyatsabah.blogspot.com/2013/05/elviral-unduk-ngadau-kaamatan-labuan.html

Komoiboros:
1. Nokolonggiso = nakaramit wawa kumoiso
2. nokolondu-londu = nakaramit wawa kumotolu

Komoiboros poinggonop kkomoi do wawa intaan do hiti.

2 comments:

  1. om kura ka koroitan do NAKAANU SAGU HATI ID DATI DO BOROS?

    ReplyDelete
  2. Poingkaa iti;

    nakadipangkat > nakaramit wawa saguhati kumoiso (wawa kumaapat)
    nokotoimo > nakaramit wawa saguhati kumoduo
    nakadibonong > nakaramit wawa saguhati kumotolu
    nokotonduru > nakaramit wawa saguhati kumaapat
    nakaru-karu > nakaramit wawa saguhati kumolimo
    nokosuriang > nakaramit wawa saguhati kumoonom
    nakatapadai > nakaramit wawa saguhati kumawalu (wawa kumohopod)

    ReplyDelete