Pason Kointutunan / Kabar Nopili

Kopisanangan kumaa toinsanan tompinai om tambalut Dusun. Minaanku pohoroo o bolog diti sobaagi do ponimungan di bobolog i pinosurat doid boros Dusun. Alansan oku kumaa do tongotompinai om tangatambalut di kiharo bolog toi ko nokoilo do haro bolog om nunu nopo iri pinosurat id boros Dusun toi ko Kadazan (Tulun Kadai /Tangara) do popoilo doho maya do bolog 'Iso Dusun' diti. Kanou no misokodung do popoingkakat babasaon do id tompok tunturu tu insan tadau, tulun Dusun om woyoboros Dusun nga kotongkop nogi id sompomogunan.  | 

TUTUMANUD

Thursday, November 3, 2011

Sundait

Sundait nopo nga iri posunudon di monguhot om haro moninimbar do mongumbal mangarait. Kosoruan do orongou sundait ontok do mogitabang-tabang mongomot tu ilo no ralan do managak huyan mongomot. Id siriba diti, haro pipiro sundait it tinungkusan mantad di yodu om yaki tokou.
  1. Ogumu o kirop nga asio mato
  2. Mongokot nung kokoton
  3. Kosumbilingan o guas, kawagasan o tuntuh
  4. Waig id poring-poring, amu okunggu-kunggu
  5. Minsawat-sawat momiropuhan / momidompuran
  6. Soonlopot takano pinsolianan dot mangakan nga amu awi-awi
  7. Iri nogi pomolopot akanon nogi maha nogi it lopoton om pagarabon
  8. Id sodu kopo om talangon kono do tulang
  9. Atatak nopo yurangkaya tilombus tapatai, atatak nopo mosikin osodu noh kosimbulan
  10. Asadapan dot makan nga amu ayahan-yahan
  11. Lisok oku poh, lumisok ka om poimbulai ot busul
  12. Kitundu-undu timpurulu
  13. Atanom om momitonsi
  14. Okito tonomon om amu okito mananom
  15. Iduwahon ot pananaman om isinuku kolobuson suni
  16. Kidila timpurulu
  17. Iri nogi pomolopot apasa, iri nogi lopoton amu apasa
  18. Kisusu pokilok
  19. Minsawat-sawat, momilinopot
  20. Sing lung pai do
  21. Kirasuk di tokoro poh nga pobulagoi soira nosukod
  22. Monguni koting-koting, monikid toun-toun
Onuan do ponimbar do suai timpu. Umbalai poh dokoyu do monimbar.

11 comments:

  1. nunu gia pangarait dilo sundait kumoiso dilo .. lo ogumu korop nga aiso mato ka lo?

    ReplyDelete
  2. Insamakai (Poundahayo) ku nopo ilo sundait kumoiso. Tua-uwa ilo.

    ReplyDelete
  3. Rangalau kanto koi...

    ReplyDelete
  4. kangam nangku pamarait ku lo tompinai francis...

    ReplyDelete
  5. tompinai...timung gea hiti

    http://www.facebook.com/sundaittangon

    ReplyDelete
  6. Kisusu Pokilok.....Tapayas odi ki..wkwkwkw

    ReplyDelete
  7. bosing nokosulung taapai gado...wkwkwkw

    ReplyDelete